اغنية ناسي كل حاجة

كلمات اغنية ناسي كل حاجة – امير عيد 2024

وحدي ماشي في الشوارع
رايح فين انا مش عارف
يمكن بجري ورا بكره
ويمكن بجري من امبارح

سارح بهرب من الدنيا الحقيقيه
أو خايف هي الكلمه الادق
يجرا ايه لو عيشنا جوه فيلم أو اغنيه
وحياتي بتقولي خلص مفيش وقت

بيمد العمر بسرعه وبيجري بيا
وانا من جوايه عيل مش مستعد
مش عارف ليه الناس كلها مثاليه
متأكدين من كل حاجه مفيش شك

بقكر فيكي وساعات بحن
مش لاقي اي حلم يصحيني
مش مهم مش مهتم
سادد وداني ومغمض عيني

انا ناسي كل حاجه بس فاكرك
بروح نفس الاماكن يمكن اقابلك
ساعات بخاف تكوني من خيالي
مش قادر ارجع تاني لحياتي قبلك

عايش انا جوايه ومفيش حد معايه
رغم الناس حواليه كتير انا وحيد
بكتب حكايه ولسه واقف في البدايه
الورقه بيضه لكن فيها شخابيط

فيها رسمه لمكان احلى
وفيها قهوه وقعت مني وانا سارح
وفيها عينيكي مرسومه لكن مش واضحه
بحاول افتكر كل الملامح

مسامح نفسي على عمر معشتهوش
على قلب خاف يدق طول حياته
على كل سؤال مسألتهوش
اكتر شيء مخيف هو الخوف ذاته

انا ناسي كل حاجه بس فاكرك
بروح نفس الاماكن يمكن اقابلك
ساعات بخاف تكوني من خيالي
مش قادر ارجع تاني لحياتي قبلك