اغنية مضمونة

كلمات اغنية مضمونة – امال ماهر 2025

طول ما أنت عارف إني باقية لك
وقت ما تنده ليا جاية لك
طول ما أنت حاسس إني مضمونة
هتبيع كتير وهتشتري فيا
أيوه في حياتك أبقى منسية
واحدة وخلاص على الرف مركونة
طول ما أنت شايف إنى هرضى بأي حاجة وأعيش
هتقول خلاص هفضل كده ما هي قاعدة ما بتمشيش
ولا مرة على بالك خطر أنك قريب من الخطر
لازم تخاف أنك في يوم تناديني ما تلاقينيش
طول ما أنت شايف إنى هرضى بأي حاجة وأعيش
هتقول خلاص هفضل كده ما هي قاعدة ما بتمشيش
ولا مرة على بالك خطر أنك قريب من الخطر
لازم تخاف أنك في يوم تناديني ما تلاقينيش
طول ما أنت ضامن إني موجودة
ساعة حيطان متعلقه في أوضة
وعينيك خلاص متعودة عليها
هتقول خلاص أنا صعب أخسرها
وبكلمتين تفضل تصبرها
وتقول خلاص أهي راضية خليها
طول ما أنت شايف إنى هرضى بأي حاجة وأعيش
هتقول خلاص هفضل كده ما هي قاعدة ما بتمشيش
ولا مرة على بالك خطر أنك قريب من الخطر
لازم تخاف أنك في يوم تناديني ما تلاقينيش