اغنية مش لاقيكي

كلمات اغنية مش لاقيكي – رامي جمال 2025

مش قالولِك عيشتي مُرّه
و انتي ليه مِستحملاني
قولتلِك يومها انتي حُرّه
بس تاخدي الباب فـ ايدِك

راجعه ليه تشكيلي حالِك
هُمّا ضِحكوا عليكي تاني
لو قابلتِك ١٠٠٠ مرّة
مش هـ احِن و مش هـ افيدِك

مش لاقيكي
لمّا جات عيني فـ عينيكي ، ما شوفتكيش
فيكي مهما البُعد يعمِل .. عادي بقىٰ ما يخُصنيش

عيشي ليهُم
لمّا تشتاقي اسأليهُم ، ها اعمل ايه
كلّميهُم عن دموعِك .. و اللّي مش قادرة تقوليه

مش قالولِك بُكره تنسي
ما نسيتيش و البُعد خانِك
شوفي مين فيهم هيقدر
يلحَقِك م اللي انتي فيه

وَقت ما تحاوطِك جروحِك
و الزعل يحفظ مكانِك
ماتلوميش حد إلّا روحِك
ع اللي بَعدي وصلتي ليه

مش لاقيكي
لمّا جات عيني فـ عينيكي ، ما شوفتكيش
فيكي مهما البُعد يعمِل .. عادي بقىٰ ما يخُصنيش

عيشي ليهُم
لمّا تشتاقي اسأليهُم ، ها اعمل ايه
كلّميهُم عن دموعِك .. و اللّي مش قادرة تقوليه