اغنية لا تبالى دول رخاص لكن انت غالى

كلمات اغنية لا تبالى دول رخاص لكن انت غالى محمد سلطان

اتقل واوعي يخف ميزانك يوم لا تطير
وماتنساش ان انت مقامك فوق وكبير
وعشان ليك وضعك كلها منك بتغير
عمر الصقر ماهزيت هيبته ف يوم عصافير

طول مانت بتنجح هتقابل صفر كتير
وخلق مريضه بحب النفس وكره الغير
وناس كارهينك علشان طالع في اسانسير
وهما بيجروا وراك ع السلم وبيتشعلقوا ع المواسير

لا تبالي
دول رخاص لكن انت غالي
في حته تانيه وبرج عالي
صعب يوصلوا ليك

فرق شاسع
ودا اللي حارق موت وواجع
اي واحد سهمه واقع
بالكلام بيرازي فيك

الله غالب
تعمل لمين حساب ياهايب
دانت سبع ودول تعالب
استحاله يتقارنوا بيك

ماتجادلشي
وسكتك كملها وامشي
وبالتفاهه ماتتشغلشي
مهما قالوا فيك وفيك

ماتردش ولا تعمل سعر لحد حقود
عامله كإنه ماهوش متشاف ولا موجود
وماترميش ودنك لكلام وتركز فيه
طالع من ناس مالهاش جنبك اي وجود

المحبوب غالب صدقني ومش مغلوب
والمعيوب هو اللي بيرمي الناس بالطوب
وانت لاعندك وقت ترد علي الخايبين
ولافاضي عشان تدخل وياهم في حروب

مين تعبر
ارمي وري ضهرك وكبر
وفي نجاحك بس فكر
مهما حاولوا يعطلوك

دي ناس تأخر
عايشه بس عشان تبخر
للي ليها بيدفع أكتر
كل شغلتهم يأذوك

لف وارجع
واوعي تدي ودان وتسمع
كلمه من متغاظ بتطلع
شغلته يعكنن عليك
سد ودنك
مهما جابوا كتير ف سيرتك
ماتجازفش وتأذي هيبتك
للخبيث فتح عينيك