اغنية الحريفة – صغير ايوه انا صغير

كلمات اغنية الحريفة – صغير ايوه انا صغير

ياما في ناس يجيلها النعمه والحظ يديهم
ينسو الايد اللي كانت زمان بتديهم
وناس تجيلها الدنيا تلقى الطمع فيهم
في ناس جوه العيون تتشال
وناس مع الزبال كوم وعبيهم

صغير ايوه انا صغير
لكن بجنن وبحير
الدنيا مهما في يوم مالت
هفضل جدع مش هتغير

متبصلش وامشي ياليفة
مالك ومال الحريفة
انت المفروض لما تشوفني
تقف وتعمل تشريفة

اصل انت ياض عيل هتيا
منطقش اسمك ده ببوقى
خليتنى مش طايق اشوفك
وانا كنت بعتبرك شقى

انا بتحسد من ناس ابطال
لكن انت مين عارفك يا شمال
روح الناقبة واسال عنى
عملولى فى المدخل تمثال

ياعم روح اجري اتعلم
متجيش معايا وتتكلم
مش اي حد مسك شومه
الناس تقولو يامعلم

ياض انت يلى غاوى الألعيب
ابعد عنى انا و اوعا تخيب
انا زى الهوا لما بيقلب
بيخلى الدنيا دى زعابيب

دلوقتي جاي بتبوس ايدي
عمال تقول عمي وسيدي
عيل حسود وملكش لزوم
رغاى وخلصت رصيدى

داير تقول انك خصمي
باين عليك مجنون رسمي
سايب حياتك وفاضيلي
هتموت بغلك من اسمي