مهرجان واخد علي خطري من الدنيا

كلمات مهرجان واخد علي خطري من الدنيا عصام صاصا

واخد علي خاطري من الدنيا
ومن كل الناس
زعلان علي قلبي اللي اتبهدل
بينكم واتداس
مش قادر اكمل ولا عارف
اماشي الاحداث

انا كل ما اقول بكره
هتحلا ومسيرها تروق
فجأه بلاقي الحزن يجيلي
وحالتي دي بتسوء
و ف نظر الدنيا انا مجرد
كارت ومحروق

غصب عني
خدت جمب من اللي مني
ربنا علي الدنيا يعيني
لوحدي هبقا بخير

ايوه سهله
هي رحله وبكره تحلا
دي البشر ف الحب جاهله
بيعشقو التحوير

الناس فاكرين اني خاربها
و بكح فلوس
وان انا متريش وعايشها
وان انا محظوظ
وانا ايامي السلك ضاربها
ومن يومي منحوس

الضحكه اللي انتم شايفنها
دي وراها كتير
انا بضحك قدامكو وبعمل
نفسي اني بخير
بس من جوايا بتقطع
انا من التفكير

جبت اخري
شيبت قبل اواني وبدري
من زمان ورا حلمي انا بجري
بس ملحقتوش

بختي انا اسود
فقري ع النحس انا متعود
فرحي ف الدنيا دي متحدد
سني انا معشتوش

انا كل ما بفتكر الماضي
وايامي زمان
واللمه اللي كانت حواليا
وعاملين جدعان
بحمد ربنا انها طارت مع الايام

مبقتش اتمسك ولا بزعل
لو مره اتباع
والداهيه اللي جابت عادي
تاخد مش ناقصه صداع
وحياتي انا ماشيه ومرضيه
ف كل الاوضاع

ظني خيب
ف اللي مني و ف القريب
هو مي اللي بخاطري طيب
كلو سابني حزين

الحبايب
طلعو فجأه اكبر مقالب
سهله عادي كلو هيتحاسب
ياللي مش سالكين